首批2,500個白表免補地價買居屋中籤者,上周五接獲批准信後,部份中籤人士已急不及待出動尋覓單位。新界西北區更出現代理行擠滿睇樓客旺爆情況。由於要辦理購買證後才能正式入市,部份中籤客慨嘆「睇中都冇用」,恐盤源被搶。受白表免補價帶挈,馬鞍山錦豐苑周末一日錄3宗綠表成交。
記者:陳家雄 湯家明

過去周末及日,炎熱天氣無阻一批白表免補價中籤者睇樓。昨午屯門區一間地產代理分行內人頭湧湧,幾組手持白表居屋批准信申請人,均透過代理安排睇樓。
其中,已來港20多年的鍾澎,尼泊爾人,以「拿了三粒星」香港人身份成功申請免補價買居屋,多年來一直租樓,現以月租7,000元承租荃灣舊樓。他在機場從事倉務管理,太太於元朗上班,因想遷就兩位女兒在青衣上學,目標在葵青區「上車」。不過,近期綠表叫價癲哂,鍾氏家庭月入僅2.7萬元,目標買入150萬元單位,葵青區已超出預算,遂轉戰相對平價的屯門區。

一旦升價 擔心銀行按揭

昨參觀富健花園一個內櫳殘舊低層戶,他說「幾ok喎!價錢ok(綠表叫150萬元)。」返回代理分行簽睇樓紙,鍾澎說:「啱啱嗰個(富健花園)有可能……諗緊……出面(樓)好貴,唔啱,如果唔係都唔使來呢度,咁唔方便,兩個女要去青衣讀書。有呢個資格,好過冇,我唔急,仲有3至4個月,(如果樓價再升?)冇辦法啦!賣晒就賣晒啦……如果買唔到,繼續租樓。我希望搵平啲,喺邊度都買,天水圍可能有……」他下周將往天水圍睇樓。
同樣持有批准信的陳氏夫婦,家庭月入約3萬元,昨亦急不及待到屯門睇樓,目標200萬元以下兩房戶。
參觀龍門居3個單位後,陳太表示,首期預算40萬元,擔心銀行按揭問題,「𠵱家層樓百幾萬,我畀到兩成首期,但如果升到200幾萬,我只可畀一成,唔知銀行借唔借,但都會試。」
她又指,就算今天去申請,房署稱要兩至三個禮拜才可取得購買資格證明書,屆時才拿到證,方可落訂。記者問及是否擔心業主反價?身旁丈夫搶答「非常驚!」,不過兩夫婦異口同聲表示,就算反價,還會上車,除非貴得好誇張。

 

綠表客搶先購愉翠苑

中原分行經理黎浚宇表示,部份綠表客趕緊在2,500個白表免補價流入搶貨前,加快入市步伐。沙田愉翠苑Q座高層1室,建築面積735方呎,實用面積516方呎,綠表客以313.8萬元購入,建築呎價4,269元,實用呎價6,081元。同座業主見居二轉旺,將手持同座同屬建築面積735方呎放盤單位,由原叫價300萬元反價至330萬元,加價10%。此外,馬鞍山錦豐苑周末一日錄3宗綠表貨成交,其中,D座中層4室,以308萬元沽出,建築及實用呎價4,284元及5,757元。

 

創作者介紹
創作者 seaview 的頭像
seaview

申請香港公屋

seaview 發表在 痞客邦 留言(0) 人氣()